Հայաստանը մասնակցեց «Վիքին սիրում է հուշարձաններ 2013»-ին

Հայաստանն այս տարի առաջին անգամ մասնակցեց Գինեսի գրքի կողմից աշխարհի խոշորագույնը ճանաչված միջազգային լուսանկարչական մրցույթին՝ «Վիքին սիրում է հուշարձաններ»-ին (Wiki Loves Monuments): Այս մրցույթի շնորհիվ ամեն տարի հազարավոր հուշարձանների լուսանկարներ են հայտնվում Վիքիպահեստում՝ որտեղից էլ դրանք օգտագործվում են Վիքիպեդիայի և մյուս քույր նախագծերի հոդվածներում, ինչպես նաև ցանկացած այլ տեղ՝ համացանցում և համացանցից դուրս։

2013 թվականին մրցույթի հայաստանյան մասնակիցները մեկ ամսվա ընթացքում բեռնեցին ավելի քան 23.923 լուսանկար։ 53 երկրների շարքում մենք այս ցուցանիշով 4֊րդ տեղում ենք։ Բեռնված լուսակնարների ընդհանուր թիվը գերազանցեց 370.000-ը։

Շնորհակալությո՜ւն 2013 թվականի բոլոր մասնակիցներին։ Շնորհավոր հայաստանյան բոլոր հաղթողներին։ Ցավոք, 2013 թվականին մենք չունեցանք միջազգային հաղթող։ Սակայն առջում է 2014-ի մրցույթը։

Պատրաստվի՛ր հաջորդ «Վիքին սիրում է Հուշարձաններ»-ին, վերցրո՜ւ ֆոտոխցիկը և լուսանկարիր Հայաստանի Հանրապետության և Արցախի հուշարձանները։